مــن يــقــوول الــزيــن مــايـكـمـل حـــلآه....؟

من يقول الزين مايكمل حلاه,,كل شي(ن) في حبيبي اكتمل


الله اللي كمله والله عطاه,,مابقى للزين في خلّي محل


العيون أحلى من عيون المهاه,,شافها قلبي و صفّق و احتفل


نظرته من فتنته شعلة حياه,,والجفون من الحيا فيها كسل


ساهم(ن) رمشه على الخد وسناه,,كن لمعة وجنته ورد(ن) وطل


الشفايا كنها جمر الغضاه,,تحرس الريق المحلّى بالعسل


والشعر ليل(ن) نقل حمرة مساه,,أجعد(ن) حوّل على صدره همل


مايج من فوق متنه ماطواه,,لون شلال(ن) مع المغرب نزل


وأنطلق جيده يماري في بهاه,,فوق مياس(ن) تعزّل واعتدل


بالرشاقه فيه من ظبي الفلاه,,لي مشى كنّه على الروح انتقل


ريحته من كل زهر(ن) منتقاه,,والزياده للخزامى والنفل


صافي(ن) مثل المطر فوق الصفاه,,باسم مثل البشاير بالأمل


جامع(ن) من كل زين منتهاه,,مستحيل الوصف في خلي سهل


كايد(ن) ماهو يلين لمن بغاه,,يرتفع عن كل سقطات الزلل

كـــلـــمأأأت الامير خــــــــــــــآآآآآآآآآآآآآآآآآلـــــــــــــــــد الفــــــــيصل



تقبلـــــوا تـ ح ـــيــــاتي:

يسلموووووووووووووووو ع الطرح المميز

والله صرتي مبدعه بمواضيعك يسلموووووووووووو