كيف أعبر لك عن اللي في حشاي
ودي أحكي لك ولكن مـا قويـت
ما يجيك أقصور مني في عطـاي
من طبوعي ما اتمـنًن لا عطيـت
ما أطيع الناس لو ذمـوا هـواي
و لا أطيع الناس لو قالوا خطيت
دامني مخطي أنا أتحمل خطـاي
وش عليهم؟ مقتنع فيك ورضيـت
لا يهمك هرجهـم خلـك معـاي
الوفـا نادانـي بعيونـك وجيــت
يا دفا روحـي إذا أقبـل شتـاي
ويا حنانٍ يروي قلبي لا ضميــت
لحظة غيابـك يجرحنـي بـلاي
ويا عذاب العين لا منـك بطيـت
قبل أحبك ما سطع نجـم بسمـاي
لا ورب البيت غيرك ما هويـت
لشاعر :فهد العشيوي
