عديت في مرقبٍ والليـل ممسينـي
=================بديار غربٍ لعـل السيـل ماجاهـا
أضحك مع اللي ضحك والهم طاويني
=================طيّة شنون العرب ليا سربـوا ماهـا
وراك ماتذرفيـن الدمـع ياعينـي
=================على هنوفٍ جديد اللبـس يزهاهـا
هبت هبوب الشمال وبردها شينـي
=================ماتدفي النـار لـو حنـا شعلناهـا
مايدفي الا حشى مريوشـة العينـي
=================وإليا عطشنا شربنـا مـن ثناياهـا
أبـو عيـونً ليـا سلهـم تناجينـي
=================يا قرد عين المشقى كيـف يقواهـا
ياشبه وضحى فتـاةٍ دّلهـا زينـي
=================داجت على عقلةٍ والـورد ماجاهـا
ياعل من شار بالفرقى عمى العينـي
=================مخباط صمعا جليل الفخذ يشظاهـا
جعله حسيرٍ كسير وراكبـة دينـي
=================وأتلى حلالـه ذلـولٍ راح يطلاهـا
